ဗဟုသုတ

အမေရိကန်ပြည်ထောင်စုမှ ကလေးသူငယ်များ၏ စမတ်ဖုန်းသုံးစွဲမှု တစ်ရက်လျှင် ၇ နာရီ ကျော်သည်အထိ မြင့်တက်ရောက်ရှိလာ

အမေရိကန်ပြည်ထောင်စုမှ ကလေးသူငယ်များ၏ စမတ်ဖုန်း သုံးစွဲမှုပမာဏသည် တစ်ရက်လျှင် ၇ နာရီကျော်သည်အထိ မြင့်တက်ရောက်ရှိလာနေကြောင်း အမျိုးသား ကျန်းမာရေးအဖွဲ့အစည်းက အတည်ပြုထားသည်။

အဆိုပါအဖွဲ့အစည်းက စမတ်ဖုန်းများ လူ့အဖွဲ့အစည်းအတွင်းသို့ ထိုးဖောက်ဝင်ရောက် လာခြင်းနှင့်ပတ်သက်၍ ဆန်းစစ်လေ့လာရာမှ ကလေးသူငယ်များ ဖုန်းသုံးစွဲသော အချိန် ပမာဏကို တွက်ချက်ဖော်ထုတ်နိုင်ခဲ့ခြင်းဖြစ်သည်။

ကလေးသူငယ်များအနေဖြင့် လက်ကိုင်ဖုန်း၊ ရုပ်မြင်သံကြား စသည့် နည်းပညာ ထုတ်ကုန်များကို တိုးမြှင့်အသုံးပြုလာသည့်အလျောက် ၄င်းတို့၏ ပတ်ဝန်းကျင်နှင့် အမှန်တကယ် ထိတွေ့သင်ယူလေ့လာရသောအချိန်သည် တစ်ရက်လျှင် ၂ နာရီမျှသာ ကြာမြင့် လာကြောင်း သုတေသီတစ်ဦးက ထောက်ပြသည်။

သို့ဖြစ်ရာ ၄င်းတို့၏ စမတ်ဖုန်းနှင့် ရုပ်မြင်သံကြားကြည့်ချိန်ကို လျှော့ချပြီး ပြင်ပ ပတ်ဝန်းကျင်နှင့် ထိတွေ့ချိန်ကို မိဘများဘက်မှ ဂရုစိုက်ပြီး ဟန်ချက်ညီအောင် တိုးမြှင့်ပေးသင့် သည်ဟု ၄င်းက အကြံပြုသည်။

၂၀၁၆ ခုနှစ်နောက်ပိုင်းတွင် အမေရိကန်ပြည်ထောင်စုမှ ကလေးသူငယ်များ စမတ်ဖုန်း နှင့် ရုပ်မြင်သံကြားကို တိုးမြှင့်သုံးစွဲလာကြခြင်းဖြစ်သည်။

MT

 

 

 

 

 

 

Leave a Reply

Your email address will not be published. Required fields are marked *